Shqiptarët e Maqedonisë kanë dalë në protestë për të mbrojtur Turqinë. Bashkëkombasit tanë në Shkup, kanë protestuar “kundër shpifjes së Turqia ka bërë genocid ndaj armenëve”.
Shqiptarët, turqit e boshnjakët asnjëherë nuk do të përkrahin pretendimet se ndaj armenëve është bërë genocid gjatë luftimeve të vitit 1915. Ky ka qenë mesazhi kryesor i dhënë në protestën e organizuar sot në sheshin para xhamisë së Murat Pashës në Shkup.
Protestuesit kanë mbajtur në duar parulla, ku shkruhej: Mos e harroni Bosnjën dhe Kosovën!, Mjaft me gënjeshtra!, Mos na e zhdukni historinë njëmijëvjeçare!,
Gjatë protestës është dënuar qëndrimi i Papës, Parlamentit Evropian dhe të disa shteteve rreth kësaj çështjeje. Po ashtu protestuesit kanë theksuar se me anë të shpikjes së “genocidit” po synohet që të keqpërdoret tragjedia e njerëzve.
Qëndrimi zyrtar i Turqisë është që kjo çështje t’i lihet në dorë historianëve e të mos shfrytëzohet për fushatë politike kundër shtetit turk dhe historisë së vendit.
Redaksia Online
(Javanews.al)
