Kuvendi i Shqiptarëve të Zvicrës (KSHZ) ka reaguar ndaj situatës aktuale politike në Kosovës, duke konsideruar se metodat e përdorura të Qeverisë kundër partive opozitare nuk mundësojnë më që të zhvillohet demokracia dhe liria e shprehjes. KSHZ ka kërkuar të fillojnë pa afat biseda ndërmjet pushtetit dhe opozitës për mbajtjen e zgjedhjeve të reja brenda 3 muajsh. Sipas KShZ-së, është paradoks i llojit të veçantë zhvillimi i bisedimeve të pafundme me një vend fqinjë, që ndër shekuj ka dëshmuar një qëndrim armiqësor kundër popullit shqiptarë, ndërsa në të njëjtën kohë të refuzohet çfarëdo dialogu me partitë vendore të cilat aktualisht ndodhen jashtë pushtetit.
Nga aspekti demokratik dhe ligjor, (KSHZ)e konsideron të papranueshme shkeljen e vlerave dhe të ligjit, por edhe përdorimin e çdo lloj dhune në Kosovë, pa marrë parasysh nga cila anë vije, transmeton KP.
Nga aspekti politik dhe duke u bazuar në aktualitetin, (KSHZ) konsideron që politika e jashtme, por gjithashtu edhe e brendshme e qeverisë nuk reflekton vullnetin e popullit, i cili është i plotfuqishëm në një shtet demokratik dhe të Drejtësisë, dhe sipas të cilit nuk i mbron interesat e Republikës së Kosovës. Kuvendi i Shqiptarëve të Zvicrës kërkon zbatimin e plotë dhe për të gjithë të demokracisë me gjithë vlerat e saj dhe të ligjit.
