Trajneri i Fiorentinës Paulo Sousa planifikon t’i shpenzojë rreth 5.5 milionë euro për të transferuar gjatë muajit janar mesfushorin kosovar të Baselit, Taulant Xhaka. Sousa ka punuar me Xhakën në kohën kur e ka udhëhequr Baselin. Kështu kanë raportuar të enjten mediumet italiane.
Por i menjëhershëm ka qenë edhe reagimi i klubit zviceran që ka njoftuar se planet e Baselit për pjesën tjetër të edicionit 20152016 janë me Xhakën, përcjell Koha Ditore. “Unë nuk e di se çfarë plane ka Fiorentina. Por, ne e planifikojmë edhe pjesën tjetër të këtij edicioni me Taulant Xhakën”, ka thënë për “Blick”, drejtori sportiv i Baselit, Georg Heitz. Xhaka, 24-vjeçar, me Baselin ka kontratë deri në qershor të vitit 2018.
Këtë edicion në Superligën e Zvicrës ka luajtur në 14 ndeshje dhe ka kontribuar me një asistim.
