Raporti” Quality of life” publikon rezultatet e një studimi, ku tregohet se në cilin vend të botës jetohet më mirë.
Sipas vlerësimit të këtij raporti, Shqipëria është një ndër vendet ku cilësia e jetës është më e keqja, bashkë me të edhe Maqedonia.
Ky raport vlerëson se në Kosovë jetohet pak më mirë se sa në dy vendet e lartpërmendura, edhe pse Kosova nuk hyn në mesin e vendeve ku jetohet mirë. Vlerësim të njejtë si për Kosovën raporti jep edhe për Serbinë.
Shtetet tjera të rajonit, duke nisur nga Bosnja, e më tej Kroacia, vlerësohet se kanë jetë edhe më cilësore se sa kosovarët dhe serbët.
Raporti llogarit ekonominë, nivelin e ndotjes, kujdesin shëndetësor, çmimet, fuqinë blerëse dhe strehimin.
Në vend të parë nga të gjitha vendet e botës renditet Zvicra, ndërsa SHBA-të renditen në vend të dhjetë.
Ngjyra e gjelbër e theksuar tregon cilësinë më të lartë të jetesës, e gjelbra e hapur një cilësi të mirë, e verdha cilësi jo të mirë, portokallia cilësi të keqe dhe e kuqja është për vendet pa cilësi jetese.
Kosova është përfshirë te ngjyra e verdhë, ndërsa Shqipëria te ngjyra portokalli.
