Shqipërisë i shtohet një Medalje Ari dhe një Kampion Bote, në sportin e Arteve Marciale, në disiplinën Kung-Fu.
Pogradecari Emanuel Rakipi u vlerësua me çmimin e parë në Kampionatin Ndërkombëtar të Arteve Marciale në disiplinën Kung-Fu, për peshat 70 kilogram dhe moshat 19-20 vjeç. Kampionati u zhvillua në Greqi, ku Emanueli rrëmbeu Medaljen e Artë.
Një javë më vonë, në datat 13-14 maj i njëjti sportist kthehet në Shqipëri me Medaljen e Argjendtë, të cilën e fitoi në kampionatin Ballkanik që u zhvillua në Sofie të Bullgarisë.
Puna e trajnerit të përkushtuar Dritan Lushka, por edhe suporti dhe përkushtimi i Bashkisë Pogradec për investimin e sporteve po jep rezultate të kënaqshme. Bashkia Pogradec siguron se do jetë gjithmonë përkrahë talenteve të reja, dhe një suport themelor për zhvillimin e sporteve të reja në qytet dhe me gjerë./b.d
