Rrjeti diplomatik në vendet e botës është i madh por deri tani nuk kemi pasur listë zyrtare me të dhënat që dalin në pah.
Indeksi i Diplomacisë Globale 2016 ka listuar vendet që kanë më së shumti ambasada në vendet të ndryshme e cila ka renditur dhe vendet e Ballkanit ku futet dhe Shqipëria.
Shqipëria sipas Indeksit numëron 23 pika të rrjetit diplomatik në botë, ndërsa krahasuar me rajonin, Shqipëria është e dyta për nga infrastruktura diplomatike. Kryeson Serbia me 34, kurse nivelin më të ulët e ka Mali i Zi 16, Kosova dhe Maqedonia 18.
Renditjen e 2016-s e kryeson SHBA duke u ndjekur nga Franca, Kina, Rusia dhe Britania e Madhe.
Indeksi i Diplomacisë Globale 2016 tregon rrjetin diplomatik thuajse në të gjithë botën, duke i lejuar përdoruesve të shikojnë dhe të krahasojnë disa nga rrjetet më të rëndësishme diplomatike në botë, raporton monitori.al
E ndërtuar në një hartë interaktive dhe përpiluar nga Instituti Lowy, nënvizon hendekun dhe koncetrimin e rrjetit diplomatik, e njëkohësisht tregon fortësinë apo dobësinë në mbulimin gjeografik dhe arritjen e aksesit gjeopolitik.
Harta është ndërtuar duke marrë për bazë shtetet e G20 dhe anëtarët e OECD, me rreth 6000 poste diplomatike në 700 qytete.
Rritja e influencës dhe rëndësia e aktorëve jo shtetërore, transformimi i teknologjisë dhe komunikimit, rreziqet nga terrorizmi dhe siguria ka ndryshuar formën tradicionale të diplomacisë dhe roli i ambasadave po ndryshon.