Ministri i Transporteve dhe Infrastrukturës, Edmond Haxhinasto, ka bërë me dije se Shqipëria pritet të ketë edhe dy aeroporte të tjerë. Lajmi u bë i ditur nga Ora News, ndërkohë që Haxhinasto theksoi se aeroportet në fjalë do të ngrihen në Sarande dhe në Vlorë.
“Tregu i aviacionit civil në Shqipëri është i hapur, ka shumë kompani të reja, itinerare të reja të cilat kanë ndikuar në një tendencë të uljes së tarifave. Ne kemi diskutuar për një aeroport në jug dhe flasim për Saramdëm. Por kemi kërkuar sëfundi edhe aeroportin e Vlorës dhe sigurisht duhet të rillogariten efektet dhe imapktet që duhet të sjellë për aeroportin e Rinasit” – tha Haxhinasto në intervistë.
Sipas tij, futja në funksion e aeroportit të Kukësit dhe ndërtimi i dy aeroporteve në Sarandë dhe Vlorë do të bëhet pas arritjes se negociatave për heqjen e ekskluzivitetit të aeroportit “Nënë Tereza”.