Planifikimi i pushimeve verore në Evropë nuk kërkon gjithmonë një buxhet të lartë. Në të gjithë kontinentin, disa destinacione bregdetare ofrojnë një larmishmëri plazhesh, kulturën lokale dhe akomodime të përballueshme.
Kështu e nis artikullin prestigjiozja nderkombetare “The Economic Times” që mes 6 destinacioneve europiane përfshin edhe Shqipërinë duke rënditur Durrësin si një nga destinacionet piktoreske për verën e këtij viti.
I vendosur përgjatë Detit Adriatik, Durrësi me plazhet e tij ofron një përzierje peizazhesh bregdetare dhe monumente historike. Vizitoret mund të eksplorojnë kafenetë lokale, arkitekturën unike dhe vendet historike, së bashku me zonat e bregdetit.
Edhe pse jemi në pranverë dhe ende sezoni turistik nuk ka nisur zyrtarisht të shumtë janë turistët nga vende të ndryshme të botës që po vizitojnë Shqipërinë dhe tregojnë edhe përshtypjet e tyre për vendin tonë.
“Është hera ime e pare në Shqipëri. Mezi pres të eksploroj turizmin këtu”, tha një turiste braziliane.
“Sapo kemi mbërritur nga Budapesti. Na duket një vend shumë i bukur, po planifikojme të bëjmë një shëtitje dhe shpresojmë ta shijojmë shumë. Faleminderit për mikpritjen”, u shpreh një turist hungarez.
“Po udhëtoja në Bullgari, por çmimet atje nuk ishin më të lira. Dëgjova që Shqipëria është më e përballueshme dhe e rekomanduar dhe vendosa të vij”, tha një turist kinez.
“Kam ardhur në Shqipëri të hënën dhe është hera e parë për mua këtu e na surprizoi për mirë. Mendoj se vendi juaj është shume i bukur, me njerëz të sjellshëm dhe mikpritës. Besoj do të kthehem përsëri”, u shpreh një turiste tjetër.
“Jam këtu me koleget e mi dhe kemi ardhur këtu për të krijuar miqësi të reja dhe për të vizituar Tiranën. Eshtë hera e parë këtu për ne”, tha një turiste sllovake.
