Ilir Meta mori këtë të hënë detyrën madhore të Presidentit të Republikës, një muaj pas zgjedhjeve, ku ish partia e tij nuk arriti një rezultat kushtëzues për qeverinë e Edi Ramës.
Intervistën e parë, Meta e ka dhënë po këtë ditë për emisionin “Top Story”, rreth një orë pas përfundimit të ceremonisë së marrjes së detyrës në Presidencë, ku ka rrëfyer takimin që zhvilloi me paraardhësin Bujar Nishani në Presidencë, para fjalimit të tij.
Meta tha se Nishani i ka shprehur me shqetësim, largimin e intelektualëve nga vendi ynë.
“Me ka shprehur shqetesimin se shume shtetas duan te lene shtetesine shqiptare. Është problem, duhet ndaluar”, u shpreh Meta.
“Por, ne duhet të japim më shumë besim për fëmijët, intelektualët, forcat më progresive, kjo kërkon një frymë bashkëpunimi. Do ti shërbej kësaj fryme”, vijoi kreu i shtetit.
