Shpëtim Idrizi konfirmon se ka nisur bisedimet me kryeministrin Rama për marrjen e një posti ministri në qeveri, për PDIU-në. Kryetari i PDIU-së, i referohet marrëveshjes së tij me kryeministrin para zgjedhjeve të 21 qershorit dhe më pas rezultateve pozitive të PDIU-në në këto zgjedhje. Në këto rrethana të reja, idrizi shprehet i bidnur se partisë së tij i takon një post ministr në qeverinë Rama. PDIU ka fituar tri bashki dhe 60 këshilltarë në zgjedhjet e 21 qershorit, ndërkohë që ka një grup parlamentar prej pesë deputetësh. Në një intervistë për TemA TV, Idrizi analizoi zgjedhjet e 21 qershorit dhe raportet e tij me Ramën e Metën lidhur me vendimin e e KQZ-zë për heqjen e numëruesit të PDIU për zgjedhjet e 21 qershorit. Idrizi flet edhe për vizitën e pritshme të ministrit të jashtëm grek dhe çështjen çame si pjesë të këtyre bisdeimeve.
Zoti Idrizi, keni dalë nga zgjedhjet e 21 qershorit me një rezultat pozitiv megjtihse hytë në këtë garë me një minus që ishte heqja e përfaqsuesve të PDIU-së në komisionet e numërimit të votave. Sa ndikoi në ditën e zgjedhjeve ?
Është e vërtetë që PDIU pati një rezultat pozitiv në këto zgjedhje , ne nga 45 mijë vota morëm 60 mijë vota, jemi qartësisht partia e katërt politike në Shqipëri. Në koalicionin e ASHE ne kishim 3 kandidatë dhe i fituam të tre bashkitë ku ishin në garë kandidatët e propozuar nga ne. Kemi fituar në bashkinë e Konispolit, në bashkinë e Peqinit dhe të Rogozhinës dhe në këtë kontekst mund të quhet një rezultat i suksesshëm. Pa dyshim PDIU nuk hyri e barabartë por hyri në një moment jo shumnë pozitiv për të, për disa faktorë pasi ishte momenti i parë që ne sa kishim ndryshuar aleancën dhe sigurisht na u desh kohë që të kuptohej edhe nga elektorati ky ndryshim i aleancave. Më e rëndësishmja është heqja në mënyrë ekstra ligjore nga KQZ, por edhe nga kolegji zgjedhor i të drejtës së PDIU për të pasur numërues në grupin e numërimit kur ligji është taksativ për çdo parti parlamentare që në zgjedhje që ka fituar mbi dy mandate deputeti bëhet pjesë e shortit. Sigurisht kjo është e qartë edhe KQZ ishte në ndikimin e partive politike. Në Kolegjin Zgjedhor janë bërë 6 votime dhe në fund fare zonja Luzi bëri dy votime pa i anollur me njëri tjetrin që në si forcë politike mos ishim fare. Ne ju drejtuam Kolegjit Zgjedhor duke u nisur edhe nga një vendim i këtij kolegji në 2009 që thoshte që “përkatësia nuk është çështje fati por nga të buron e drejta”, sepse ne e dimë që KQZ drejtohet nga disa trupa zgjedhore, dhe prandaj PDIU tentoi numëruesin e katërt, por kjo kërkesë na u rrëzua dhe çuditërisht në ditën e dytë të numërimit, Kolegji Zgjedhor publikoi vendimin e arsyetuar që PDIU i takon numëruesi i tretë por ne nuk kishim kohë sepse ishim në kutitë e fundit.
Pra ka pasur një ndikim të përbashkët LSI dhe PS në këtë vendim të KQZ apo edhe të Kolegjit Zgjedhor ?
Në vendimin e KQZ edhe të kolegjit ishin të gjithë partitë politike bashkë, edhe PS edhe LSI. Aleatët tanë ishin kundër pasi ne e dimë që në numërues ato parti që kanë shumë akses kanë mundësi jo vetëm t’i rruajnë votat e tyre por edhe kanë më shumë se kaq, madje ne e dimë që ndodh e njëjta gjë siç ndodh gjithmonë, marrja e votave e të gjithave partive të vogla.
Marja e votave nga partitë e mëdha a ndodhi në këto zgjedhje dhe a keni fakte ?
Po ka ndodhur edhe në këto zgjedhje. Jam i bindur që nëse do të hapen kutitë e numërimit për këshiklltarë apo për partitë politike, rezultati do të jetë padyshim i ndryshëm të paktën në influencën e votave të partive të vogla, jo në rezultatin total. Kjo fushatë ka qënë e pabarabartë edhe në fushatën në media, e pabarabartë në financimin e fushatës, ju e keni parë se çfar makinerie kishin partitë e mëdha, spotesh super të shtrenjta apo pagesat super të shtrenjta për trasmetime online. Madje nëse shikoni raportin e AMA-s disa televizione kombëtrare megjithse e kanë detyrim ligjior, PDIU nuk e kanë trasmetuar në asnjë moment.
U shprehët pak më lart për ndikimin që ka pasur vendimi juaj për të ndryshuar koalcionin nga i djathtë në të majtë në prag të zgjedhjeve të 21 qershorit. Si u reflektua ky vendim në rezultatin e zgjedhjeve. A vutë re një ndikim në vota, a ka patur një reflektim në disa zona, kam parasysh kritikat e deputetit të partisë tuaj, Dashamir Tahirit, i cili është shprehur se vëndi i PDIU-së është në të djathëtë pasi këtu e ka historikisht pozicionin e saj ?
Rezultati i zgjedhjeve tregoi që ne nuk kishim një lëkundje përkundrazi, vota në fund është testi më i mirë. Çështja çame është çështje e të gjithë shqiptarve nuk është vetëm një çështje e majtë apo të djathtë, por është një çështje e drejtë, është një çështje drejtësie. Ne vendimet i kemi marë të gjithë bashkë, deputeti që ju thoni ka qënë prezent në vendimet tona kur kemi ndryshuar koalicion, çdo parti politike shikon se ku potencon më shumë. Nëse dikush nuk sheh interesin e vet dhe shikon shtëpinë e komshiut është një zgjedhje e tij, por rezultati nuk e tregoi këtë gjë. Në momentin që PDIU bën aleanca ne i kemi marë në forume vendimet por sa më para zgjedhjeve të meren ky vendim aq më pak influencë ka.
Kryeministri Rama pati premtuar se çështja çame do të ishte në axhendën e qeverisë dhe për këtë do të rapoirtohej çdo 6 muaj në parlamenta. Në të vërtetë kjo nuk ka ndodhur deri tani pasi ende nuk ka asnjë raport të qeverisë në Kuvend për çështjen çame. A keni kërkuar mbajtjen e këtij premtimi dhe a e patët në axhendën e bisedimeve me Ramën këtë pikë?
Padyshim në të gjitha aleancat që ne bëjmë çështja çame është një ndër çështjet kryesore të PDIU-së dhe do vazhdojë të mbetet e tillë. PS-ja e kishte në program çështjen çame dhe tashmë është në programin qeveritar zgjidhja e çështjes came. Ky është një hap përpara falë edhe presionit që PDIU-ja i bën ndaj të gjitha palëve politike. Është hera e parë që në programin e qeverisë , flitet për punën që duhet të bëjë kjo qeveri për të jetësuar të drejtën e shqiptarve të çamërisë në bazë të konventës ndërkombëtare. Asaj që ju i referoheni është një rezolutë paralele në kohën që ne po diskutonim, ishte një rezolute për t’u përshëndetur pasi ishte hera e parë që një parti politike përvec PDIU-së kishte një rezolutë për çëshjen çame si një akt madhor dhe detyrues i parlamentit për qeverinë. Fatmirsisht ne kemi të miratuar rezolutën, e cila në çdo sekondë plotësohet dhe është prezente në tavolinat e diplomacisë shqiptare. Një ndër pikat kryesore të asaj rezolute është heqja e ligjit të luftës dhe për herë të parë ne kemi një artikulim serioz të shtetit shqiptar duke filluar nga presidenti i republikës, ministri i jashtëm, kryeministri të cilët i kërkuan ministrit të jashtëm të qeverisë greke zgjidhjen e çështjes çame. Futja e PDIU-së në qeveri i ushtron presioni mazhoracës qeverisëse të ketë në vëmëndjen kryesore interesat e qytetarve çam.
Kjo do jetë një ndër pikat e axhendës gjatë vizitës së ministrit të jashtëm grek, i cili vjen në Tiranë në mesin e muajit korrik. Ndërkohë në mediat greke është komentuar se ministri i jashtëm grek ka në axhendë edhe një kërkesë drejtuar qeverisë shqiptare për largimin e PDIU-së nga mazhoranca .
Nese ndodh cfarë do të thotë për ju kjo ?
Besoj që nuk ka për të ndodhur dhe kjo nuk ka të bëjë me fatin e PDIU-së. Imagjinoni a është e mundur që një shtet fshqinj të ndërhyjë në sovranitetin e Shqipërisë, forcave politike dhe të vendosi se me kë do të bëhet aleanca. Megjithse këto kanë dalë në një gazetë serioze unë nuk dua ti marr për bazë dua të besoj që nuk është kështu sepse po të jetë kështu është shumë e rrëndë. Do të ishte vërtet një fyerje e madhe për shtetin shqiptar dhe forcat politike dhe sigurisht do të ishte një arogancë shume e madhe e shtetit grek. Do të ishte një paturpësi më shumë se arogancë që t’i tregonte politikës shqiptare se çfarë duhet të bënin ato me njëra-tjetrën. Unë besoj se kjo është një gjë mediatike, pra nuk besoj se është e vërtetë.
Ndërkohë keni garanci me mazhorancën që nuk do të pranojë bisedime të tilla me qeverinë greke?
Kryeministri Rama i ka dhënë shenjat dhe besoj se është një fillim dinjitoz i kryeministërit të Shqipërisë, i cili është kryeministri i të gjithë shqiptarve, dhe atyre që e kanë votuar apo jo. E ka dhënë një përgjigje të tillë në një moment të papranueshëm për shtetin shqiptar në momentin që unë u zgjodha nënkryetar i kuvendit me votat e kuvendit. Do doja mos ishte e vërtet kjo që thotë gazeta “Kathimerini” dhe të gjitha mediat shqiptare e morën me shumë qejf ta përhapnin, por askush nuk mbajti asnjë qëndrim. Kjo do të thotë që edhe një shtet vandal të ishim nuk do të ishte e mundur që kjo gjë të kërkohet kaq hapur dhe me kaq arrogancë dhe violencë. Besoj se kjo nuk ka për të ndodhur sepse kjo do të ishte një thyerje për të gjithë shqiptarët dhe shtetit shqiptar.
Është thyerje edhe tentativa për të përhapuir dhe për ta nominuar këtë gjë. Ajo që më bën përshtypje është fakti që në pikat e tjera të paketës është thënë që do të ketë një tjetë paketë e cila ka të bëjë me heqjen e ligjeve të luftës, me shikimin teknik të marveshjes së ujrave, me varrezat për ushtarët grek etj. Në fakt në kuptimin e paketës dhe njohjen e Kosovës është një hap pozitiv në sensin se ata kanë një paketë propozuaese. Për hërë të parë ne nuk duhet të intimidohemi që nëse ata kanë një paketë ne duhet ta paranojmë, por është një paketë me të cilën palët ulen në bisedime sepse problemet janë aty. Sigurisht që do investohemi si grup parlamentar që siç ka ndodhur në të kaluarën, çështja çame të jetë pjesë e këtyre bisedimeve sepse hapja e këtyre bisedimeve, është gjetja e zgjidhjeve për të gjitha çështjet që ne na prokupon, e cila do na çojë drejt një mardhënie shumë të mirë më Greqinë apo fshqinjësisë së mirë. Do doja t’i bëja një apel diplomacisë shqiptare dhe qeverisë shqiptare që të mos hyjë e papregatitur në këto negociata.
Të marrin vetëm ligjin e luftës, e para nëse hapet ligji i luftës personalisht do të jemi i lumtur sepse për 4 vjet ne kemi shkuar nëpër televizione me shkresën e ministrisë së jashtme greke drejtuar ambasadësh shqiptare në greqi të vitit 1999, ku thuhet që ligji i luftës është për çështje pronësore. E para deduksion është se Greqia na ka gënjyer për 25 vite sepse ata kanë thënë nuk kemi ligj lufte, por kjo do të thotë që ata jo vetëm e kanë pranuar por që edhe angazhohen për ta hequr. Por ky nuk është thjesht një akt formal prandaj dua ta theksoj dhe këtu dua të investohem që edhe qeveria shqiptare ta këthejnë vëmëndjen. Nuk është thjesht një akt formal por është një akt, i cili sjell pasoja direkte mbi pronat e shqiptarëve të çamërisë, mbi pronat e shqiptarve në Kostur, Follorinë. Në momentin që palët bien dakort për të hequr ligjin e luftës, apsolutisht do të ngrihen grupet e punës për të vlerësuar të gjitha këto prona, asete sepse mbi pronat e shqiptarve të camërisë është paguar një rent, pra ka pasoja dhe nuk duhet të kënaqemi në fakt që e hoqëm formalisht.
Pra, nuk është një akt formal dhe nuk është mbajtur formalisht siç duhet të na i paraqisin. Është një qëndrim dinjitoz i qeverisë shqiptare për marrvjeshjen e ujrave, kemi një guidë shumë të mire. Udhërëfyes shumë të mirë detyrues nga gjykata kushtetuese dhe unë jam shumë i bindur që duhet të ulemi për të zgjidhur këtë çështje për të bërë një marrëveshje të re. Nëse vullneti është i të dy palëve është një gjë për tu përshundetur. Ashtu siç unë do kërkoja që shteti shqiptar ka bërë gabim në një kontekst të caktuar që ka pranuar varrezat e ushtarve grek, më duket se janë edhe 2-3 varreza të tjera padyshim është një çështje që palët duhet të ulen dhe ta shohin problemin.
Realisht është e jashtëzakonshme ajo që po ndodh sepse ushtarët grek kanë rënë si okupatorë në shqipëri, sepse kanë qënë një ushtri pushtuese që kanë dhunuar kanë vrarë dhe kanë hequr flamurin shqiptar. E dyta nuk janë në numër për të pasur varrezat monumentale dhe duhen të merren dhe tja çojnë familjarve të tyre dhe në traktatin e miqësisë parashikon që edhe për pretendime reciproke të shqiptarëve të ngerihen edhe varreza monumentale në camëri edhe për viktimat e popullsisë çame. Ne do luftojmë fort që kjo paketë të shikohet me rigorizitet nga shteti shqiptar mos jetë një pranim thjesht de fakto por të jetë një analizë e grupeve të punës për ta vlerësuar këto elementë.
Ju po pretendoni të jeni pjese e këtyre bisedimeve, sa e gatshme do të jetë pala greke për të pranuar PDIU-në ndërkohë që ju keni nxierrë jashtë loje partinë për të drejtat e njeriut në shqipëri që përfaqëson minoritetin grek?
Për sa i përket PPDNJ apo më saktë Dules, përgjigjen më të mirë ja ka dhënë minoriteti duke mos e votuar dhe aty ku ka patur bazën dhe mbështetjen. Dule nuk është votuar sepse ata kanë nevojë jo të krijonë konflikte me bashkjetesën e tyre por kanë nevojë që të jenë në atë tokë të bekuar ku kanë jetuar me komunitet te tjera. Në këtë kontekst edhe bashkia e Konispolit është një ndër arsyet themelore që ne hymë në reformën administrative-territoriale sepse në variantin që ajo ishte shumë e rezikshme jo thejsht për dëshirën tonë që Konispoli të mbetej bashki por të fitohej nga çamëria. Për t’u rikthyer Mbreti Zog, i cili e kishte lënë nën prefekturën e çamërisë dhe jo më kot, sepse kishte të bënte me sigurinë kombëtare. Pra bashkia e Konispolit u planifikua të mos ekzistonte pasido të ndahej në dy pjesë dhe me këtë ne bënim fakt, pretendimet e grekëve për Vorioepirin. Askush të mos e ngatërrojë inisiativën tonë me ndryshimin e kufijve sepse ky nuk është qëllimi ynë. Ne punojmë që ajo zonë që qytetarët e çamërisë të gëzojnë pronat e tyre dhe të lëvizin të lirë pasi kjo është çështja e të drejtave dhe lirive themelore të njeriut. Pra është PPDNJ e cila nuk ka ditur të mbrojë interesat, persa i përket palës greke dhe pretendimeve të tyre ose duhet të jenë keq informuar nga Dule ose nga ministria e jashtme.
Në programin e PDIU nuk ka asnjë frazë raciste dhe jo më naziste dhe unë e refuzoj këtë kontekst. Por nëse është diçka për të kuptuar para dy ditësh qeveria greke vendosi të bëjë një referandum për të pranuar apo jo paketën e ndihmave. E vutë re se kush e votoi bashkë me partinë e Tsiprasit këtë paketë e cila shkonte edhe drejt mospranimi të këtyre ndihmave dhe kondicioneve për ta rikonstruktur ekonominë greke e conte edhe jashtë BE dhe jashtë eurozonës. Unë po e rifreskoj memorjen. Votoi partia e Tsiprasit, votoi Agimi i Artë edhe një parti e vogël e ekstremeve. Pra Tsipras dhe Agimi i Artë me partinë fashise të njohur janë në aleancë me njëri tjetrin. Mua më duken vërtet qesharakë që nuk e njohin realitetin ose janë të kompleksuar dhe mendojnë që të bëjnë me shtetin shqiptar atë që kanë bërë gjatë gjithë kohës.
Ku e gjejnë të drejtën e pretendimit t’i themi palës shqiptare ta përjashtojë PDIU?! Në çdo vend demokratik do të ishte apsorduteti më i madh. Por pala greke deri pak kohë më parë ka qënë shumë influente në shqipëri lidhur kjo me kondicionet që ne kishim për të ecur drejt BE pra në cdo hap që hidhnim ata na venin nga një kusht. Dhe ne duhet të lëshonim nga sovraniteti jonë pra vlerësoj se në këto kushte është bërë edhe për ushtarët grek. Sot kohët kanë ndryshuar katërcipërisht jo thjesht për krizën greke të ekonomisë. Unë shpresoj shumë të zgjidhet sa më shpejt por sot kemi dy shtete shqiptare në ballkan dhe ne jemi antare të NATO-s dhe sigurisht ky sovrranitet dhe ecuaria e shqipërisë na bëjnë të jemi krenarë për vendin tonë.
Kthehemi tek pretendimet tuaja ndaj mazhorancës.
Keni kërkuar poste misnitri, bazuar në rezultatet e zgjedhjeve të 21 qershorit ?
Ne u bëmë pjesë e kësaj aleance duke filluar me pushtetin lokal duke u bërë pjesë e koalcionit ASHE dhe sigurisht do të bëhemi pjesë e qeverisë shiqptare. Në bazë të rezutateve që kemi marrë, në bazë të votave që ne kemi dhe të numrit të deputetve që kemi, sigurisht na lind e drejta për të kërkuar në të gjithë piramidën e shtetit shqiptar. Pra na lind e drejta të kërkojmë edhe post ministri.
A kanë nisur bisedimet me Ramën për këtë çështje ?
Kemi qënë në kontakt por akoma nuk jemi ulur zyrtarisht në negociatra për këtë çështje por aty do të nisin padyshim shumë shpejt. Besoj se do të konkretizohen punë ditësh.
