Inspektorët e ISHTI, pas inspektimin në lagjen “Partizani”, Vlorë ku shpërtheu një ditë më parë, bombula e gazit, bëjnë me dije se, subjekti që po bënte shpërndarjen e gazit nga një bombol e madhe për bombola të vogla të konsumatorëve familjarë ishte pirat dhe i palicencuar.
Sipas ISHTI, subjekti nuk zotëronte asnjë dokument në përputhje me ligjin, ndërsa nga verifikimi i këtij subjekti privat rezulton se edhe dy muaj më parë , me 2 maj 2016, ISHTI e kishte gjobitur me me 500 mijë lekë të rinj, për mosrespektim të kushteve teknike në ushtrimin e aktivitetit.
Nga shpërthimi, i cili nuk është shoqëruar me flakë mësohet se janë lënduar 2 persona, punonjësi Nezir Cana 67 vjeç dhe Gjergji Xhebraj 52 vjeç, konsumator familjar.
Ngjarja ndodhi në kohën që po kryhej transfuzioni i gazit nga bombola në bombol.
ISHTI po kryen procedurat në bashkëpunim dhe me policinë ndërsa çështja do i referohet Prokurorisë./a.m.
