Një shpërthim me eksploziv ka ndodhur në Fushë-Krujë, vetëm pak ditë përpara zgjedhjeve lokale.
Shpërthimi ka ndodhur mbrëmjen e së enjtes, në lagjen “Partizani”. Policia bën me dije se “Lënda shpërthyese ishte vendosur në afersi te një lokal në lagjen “Partizani”, në pronësi të shtetasit me iniciale K. Q. 45 vjeç, banues në Krujë”.
Si pasojë e shpërthimit janë dëmtuar gjeneratori i lokalit dhe xhamat e një mjeti të parkuar pranë më targa KR8533A, tip sharon, ngjyre gri, në pronësi të shtetasit H.I”.
Shpërthimi ndodhi pranë një vendi ku ishte vendosur një billbord i kandidatit të Partisë Demokratike për këtë bashki.
Në kqyrjen e vendit të ngjarjes kanë marrë pjesë eksperte Xhenjer të Njesitit Anti Eksploziv Reparti RENEA Tiranë, te cilët do të përcaktojnë sasinë dhe llojin e kësaj lënde shpërthyese.
Janë kryer veprimet e para hetimore dhe po punohet për identifikimin , zbulimin dhe kapjen e autorit të kësaj ngjarje
