Tallja me Linda Morinën ka filluar t`i tejkaloj kufijtë territorial të Kosovës. Këtë më së miri e tregon përfshirja e saj në televizionet e Shqipërisë. E vetmja mysafire nga Kosova në emisionin “Xing me Ermalin” (pavarësisht nëse të tjerë të ftuar kanë anuluar pjesëmarrjen), ishte Linda. Kjo është lojë e ndytë e televizioneve që asnjëherë nuk bëjnë përpjekje për ta emancipuar shoqërinë dhe individin, por me perfiditetin më të lartë shfrytëzojnë injorancën, të cilën e promovojnë si vlerë!
Linda Morina është një qytetare me aftësi të kufizuara që është bërë objekt humori dhe talljeje në rrjetet sociale për shkak të manisë së saj për të kënduar bejte për cdo personazh publik apo ngjarje të ditës.
