Partia Demokratike ka përjashtuar mbrëmjen e sotme deputetin Myslym Murrizi të zgjedhur në Lushnje, pasi doli kundër vendimit të grupit duke refuzuar që të heqë dorë nga mandati. Por si e komenton Murrizi vendimin e Kryesisë së PD-së dhe cfarë do të bëjë në vijim?
Murrizi: Kur unë isha në PD, Basha ishte emigrant, nuk bashkohem me PS-në
Myslym Murrizi deklaroi se pavarësisht se nuk dogji mandatin, nuk do të bashkojë votën me PS-në në Kuvend. ‘Basha ka qenë emigrant kur unë kam qenë në PD. Unë nuk kam ndërmend që të bashkoj votën me PS. Është vendim i stimuluar nga njerëz që e rrethojnë oborrin dhe që mendojnë se do të vijnë në pushet. Një pjesë presin të merrnin mandatin. Një farë vetëfajësimi i Bashës për listat. Nga ata që janë sot në Kryesi, 80% nuk kanë qenë në fushatë në 2017. Jam përdorur dy standarde për përjashtimin tim, por unë jam kryetar i PD-së në Lushnje, e mora dhe e ngrita” tha ai ne raport.tv.
U përjashtua nga PD-ja, Murrizi tallet me Bashën: Unë nuk jam dele…
Deputeti demokrat Myslym Murrizi reagoi për herë të parë pas prëjahtimit nga Kryesia e PD-së mbrëmjen e sotme. Ai tha se nuk do të pranojë që të bëhet dele, ndërsa akuzoi se organet e PD-së janë bërë si Byroja Politike komuniste. “Titrat nuk besoj se anulojnë vendimin e Byrosë Politike. Ishte vendim i pritur, jo surprizë. Bijtë e këtyre që më kanë bërë biografinë nuk mund ta pranonin që të isha deputet. Ajo që më habit, demokratët prisnin që kryesia dhe këshilli, u nisën për të rrëzuar Ramën dhe jo për të më shkarkuar mua, gjithë kjo kosto e madhe, do të kisha ikur vetë. Pasi nuk ka asnjë gjë nga kjo parti, janë njëlloj si shkarkimet e Kadri Hasbiut, etj. Mendojnë të shkarkojnë ata që u prishin punë. Nuk besoj se është vendim individual i Bashës, por i Kryesisë. Herën e parë jam përjashtuar në 2003 nga PD-ja. Unë nuk bëhem dele” deklaroi ai.
/a.meta
