Shpërthen gazetarja: Tmerr ku kemi përfunduar kështu, “etërit” e gazetarisë Fevziu e Zheji e banalizojnë….

Emisionet e darkës në Shqipëri, janë një çmenduri e vërtetë.

Dhe kjo, në shumicën e rasteve prej drejtuesve të emisioneve, që janë të paaftë, ose që janë të aftë për të mos bërë gazetari me emisionet e tyre.

Gazetarja Anta Muçaku sjell rastin e dy emisioneve të mbrëmshme, atë që drejtohet nga Artur Zheji dhe atë që drejtohet nga Blendi Fevziu.

“Tmerr! E kotë të kërkohet profesionalizëm nga gazetarët e rinj kur “etërit” e gazetarisë e banalizojnë kaq keq me pyetje si këto.

Njëri pyet a është e ndershme apo e pandershme Europa, tjetri, në vend të ngrejë pyetje për atë që po bën shteti lidhur me rastin, hap sondazh “A do kthehet djali shqiptar nga Siria” dhe kërkon nga ne “Po” ose “Jo”.

Pra, babai i Alvinit, sipas kësaj logjike, nëse do të marrë vesh a do i kthehet i biri, duhet të presë rezultatin e sondazhit të Fevzos.

Jemi ku thërret qameti! S’ka shpresë”, shkruan ajo.(TemA)