Zëvendëskryeministri Arben Ahmetaj dhe kreu i Kadastrës, Artan Lame kanë shpërndarë ditën e sotme në Vlorë leje legalizimi për 3 pallate.
Gjatë fjalës së tij, Ahmetaj u shpreh se ka akoma punë për t’u bërë përsa i përket procesit të legalizimit të pronave teksa ka shtuar se beson që brenda 16 muajve do të jetë mbaruar gjithë pjesa e bregdetit.
Arben Ahmetaj: Është shtysë e përditshme e kryeministrit dhe besoj se në krye të 16 muajve do të kemi mbaruar të gjithë pjesën e bregdetit nga veriu në jug dhe kjo do t’i japë fund të gjithë asaj rrëmuje që trashëguam ne. Është duke u bërë një revolucion. Kur morëm përgjegjësinë për të punuar, gjetëm 17 mijë legalizime, sot janë mbi 220 mijë, pra janë 220 mijë familjarë që kanë në dorë pronën e tyre që e gëzojnë.
/a.r
