Pas vendimit të Rusisë për të shpallur non-grata kryeministrin Boris Johnson, politikanë dhe anëtarë të tjerë të qeverisë britanike, ka reaguar një zëdhënës i qeverisë së Mbretërisë së Bashkuar.
Në një prononcim për The Guardian, ai thotë se Mbretëria e Bashkuar do të qëndrojë në mbështetje të Ukrainës.
“Mbretëria e Bashkuar dhe partnerët tanë ndërkombëtarë qëndrojnë të bashkuar në dënimin e veprimeve të qortueshme të qeverisë ruse në Ukrainë dhe duke i bërë thirrje Kremlinit të ndalojë luftën. Ne mbetemi të vendosur në mbështetjen tonë për Ukrainën” – tha zëdhënësi.
Ministria e Jashtme e Rusisë tha se vendimi ishte marrë “duke pasur parasysh veprimin e paprecedentë armiqësor nga qeveria e Mbretërisë së Bashkuar”.
Dominic Raab, Grant Shapps, Priti Patel, Rishi Sunak, Kwasi Kwarteng, Nadine Dorries, James Heappey, Nicola Sturgeon, Suella Braverman dhe Theresa May gjithashtu janë shpallur non-grata..
g.kosovari
