Shorti i eliminatoreve të Kampionatit Botëror të futbollit e ka vendosur Shqipërinë në një grup tejet të vështirë së bashku me Anglinë, e cila është koka e grupit dhe Serbinë.
Kuqezinjtë janë renditur në grupin K me 5 ekipe, Angli, Serbi, Letoni dhe Andorra.
Anglia është një nga skuadrat më të vështira për kuqezinjtë, sidomos në fazën eliminatore aty ku rrallë herë lë pikë, ndërsa me Serbinë jemi ndeshur në eliminatoret e Europianit të vitit 2016, në atë përballje të Beogradit, e cila u përfshi nga trazira të shumta dhe takimi u ndërpre dhe Shqipëria e fitoi në tavolinë 0-3.
Dy ekipet e tjera në grup, Letonia dhe Andorra, të paktën në letër janë lehtësisht të kalueshme.
Nderkohe Kosova do të luajë kundër Zvicrës, Suedisë dhe Sllovenisë, në grupin B të kualifikueseve të Kupës së Botës.
Në shortin e hedhur këtë të premte në Zyrih, Kosova njohu, kundërshtarët dhe shorti u tregua më bujar se me Shqipërinë, e cila do të luajë me Anglinë dhe Serbinë.
Kundër Zvicrës, Kosova rigjen një kontingjent lojtarësh me origjinë shqiptare që luajnë për kombëtaren helvete, si Granit Xhaka dhe Ardon Jashari.
SHORTI
Grupi A: Fituesi i Gjermani-Itali, Sllovakia, Irlanda e Veriut, Luksemburgu.
Grubi B: Zvicër, Suedia, Slloveni, Kosova.
Grupi C: Humbësja e Portugali-Danimarkë, Greqia, Skocia, Bjellorusia.
Grupi D: Fituesi i Francë-Kroaci, Ukraina, Islanda, Azerbajxhan.
Grupi E: Fituesja e Spanjë-Holandë, Turqia, Gjeorgji, Bullgaria.
Grupi F: Fituesja e Portugali-Danimarkë, Hungari, Irlanda, Armenia.
Grupi G: Humbësja e Spanjë-Holandë, Polonia, Finlanda, Lituania, Malta.
Grupi H: Austria, Rumania, Bosnja, Qipro, San Marino.
Grupi I: Humbëshja e Gjermani-Itali, Norvegji, Izrael, Moldavia.
Grupi J: Belgjika, Uellsi, Maqedonia e Veriut, Kazakistan, Lihtenshtejn.
Grupi K: Anglia, Serbia, Shqipëria, Letonia, Andorra.
Grupi L: Humbësja e Francë-Kroaci, Çeki, Mali i Zi, Gjibraltar.
