Plot 50 organizata të Shoqërisë Civile u janë drejtuar ditën e sotme krerëve të politikës shqiptare dhe ambasadorëve të huaj përmes një letre publike.
Shkresa e firmosur kërkon zbatimin e menjëhershëm të Reformës në Drejtësi, ndërsa në të theksohet se ngritja e institucioneve të Vettingut i hap rrugë një epoke të re për gjyqësorin dhe prokurorinë.
Letra i drejtohet krerëve të grupeve parlamentare, atyre të partive politike, Presidentit të Republikës si dhe ambasadorëve Lu, Vlahutin dhe Borchardt.
Deklarata e plotë:
Pas miratimit të reformës në drejtësi me unanimitet në korrik të 2016 dhe pas konvalidimit të kushtetueshmërisë nga Komisioni i Venecias dhe Gjykata Kushtetuese, shoqëria shqiptare kërkon zbatimin sa më të shpejtë dhe të plotë të hapit të parë të reformës: ligjit të vetting-ut. Ngritja e institucioneve të vetting-ut i hap rrugën reformës rrënjësore të sistemit gjyqësor, duke qenë edhe kushti kryesor për avancimin e Shqipërisë drejt hapjes së negociatave për anëtarësim në BE. Kjo u konfirmua edhe nga Komisioneri për zgjerimin, i cili shprehu edhe gadishmërinë e Komisionit Europian për të shtyrë përpara këtë proces sapo të ketë filluar funksionimi i vetting-ut.
Për këtë arsye, u bëjmë thirrje palëve politike të shpejtojnë me zbatimin e ligjit!
Të mos ngatërrojnë axhendat partiake dhe llogaritë zgjedhore të politikës së ditës, me një prioritet strategjik të vendit sic është hapja e negociatave për anëtarësim!
Shqipëria ka humbur shumë, tepër kohë, në këtë rrugëtim. Mos u bëni ju muri i fundit që pengon realizimin e ëndrrës së gjithë shqiptarëve, të aspiratës sonë legjitime dhe të merituar për një Shqipëri Europiane!
Respektoni zgjedhësit tuaj dhe mandatin e marrë, duke qenë se më shumë se 90% e qytetarëve duan zbatim të shpejtë të reformës në drejtësi!
Tregoni përgjegjshmëri politike dhe integritet, duke u angazhuar për formimin e institucioneve të vetting-ut gjatë ditëve në vijim!
Qëndrojini rezolutës së miratuar në parlament për vendosjen e procesit të integrimit mbi cdo debat e betejë politike! Qëndrojini vullnetit të shprehur për reformën me votimin me unanimitet në korrik 2016!
Qytetarët dhe shoqëria shqiptare meritojnë një sistem gjyqësor profesional, të pakorruptuar dhe të pavarur. Politika e ka në dorë ndreqjen e këtij sistemi dhe qytetarët do gjykojnë dhe votojnë sjelljen dhe angazhimin tuaj politik në këtë moment vendimtar për vendin. Pas nënshkrimit të MSA dhe anëtarësimit në NATO, ky është hapi më historik drejt të ardhmes euro-atlantike të vendit dhe ju duhet të vendosni në cilën anë të historisë do jeni.
Gjejmë rastin të falënderojmë partnerët dhe miqtë e Shqipërisë, në vecanti Shtetet e Bashkuara dhe Bashkimin Europian, për përkushtimin dhe vendosmërinë e shfaqur në angazhimin e tyre për këtë reformë vendimtare. Të bindur se politika duhet t’i bindet vullnetit të qytetarëve, organizatat e shoqërisë civile do të vijojnë të ngrenë zërin në mënyrë të pandalshme për të nxjerrë para përgjegjësisë politikanët shqiptarë për detyrat e tyre politike, institucionale dhe morale, në lidhje me zbatimin e ligjit të vettingut dhe integrimin europian.
Agjencia e Zhvillimit Rajonal, Durrës
Agjensia Rajonale e Zhvillimit, Korçë
Albanian Community Assist
Aleanca Gjinore për Zhvillim
Balkan Youth Link Albania (BYL-A)
Brave Neë Generation
Business Improvement District Shkodra
Creative City, Shkodër
Epoka e Re, Fier
Fondacioni Gjirokastra
Fondacioni Shoqëria e Hapur për Shqipërinë
Fondacioni Syri i Medias se Re, Gjirokastër
Forumi i Mendimit të Lirë
Green Line Albania
Gruaja Intelektuale Pogradecare
Gruaja ne Zhvillim Korce
Instituti AGENDA
Instituti për Kërkime dhe Alternativa Zhvillimi
Instituti Shqiptar per Zhvillim Politikash
Intelektualet e Rinj Shprese (IRSH), Shkodër
Klubit Ekologjik, Elbasan
Koalicioni për Zgjedhje të Lira e të Ndershme e për Demokraci të Qendrueshme
Kongresi Rinor Kombëtar
Legambiente Vlore
Lëvizja MJAFT
Lëvizja Evropiane (EMA)
Levizja Rinore Puke
Lions Club Pogradec
Mjedisi dhe Zhvillimi i Qëndrueshëm (ESD)
Mjedisi dhe Zhvillimi i Qëndrueshëm(ESD)
Neë Bridged, Berat
Observatori për të Drejtat e Fëmijëve
Organizata “Green Vision”, Vlorë
Organizata Reforma Reale
Partnerët Shqipëri për Ndyshim dhe Zhvillim
Projekte Vullnetare Nderkombetare
Qendra “Grupimi Ekolevizja”
Qendra e Zhvillimit të Shoqerine Civile, Durres
Qendra e Zhvillimit të Shoqërisë Civile Korcë
Qendra Genesis, Shkodër
Qendra Rinore Vlore
SEEP
Shërbimi Ligjor Falas Tiranë (TLAS)
Shoqata Artizanatit Pogradec
Shoqata e Grave Profesioniste, Afariste & Zejtare, Shkodër
Shoqata Gruaja drejt Integrimit, Pukë
Shoqata Maqedonase “Ilinden”-Tiranë
Shoqata per Integrimin e Zonave Informale (SHIZI)
Tjetër Vizion, Elbasan
#ZeriIntegrimit
