Festa europiane në Tiranë i lë vendin marshimit të të verbërve te kryeministria. Samiti i procesit të Berlinit zhvendosi protestën e të verbërve para Kryeministrisë në ditën botërore të shkopit të bardhë më 15 tetor.
Sapo festa dyditore me europianët përfundoi në Tiranë, qytetarët që nuk shikojnë realizuan marshimin përvitshëm drejt kryeministrisë. Ata kërkuan rritje të pagesës së tyre përtej shifrës që indekson inflacionin, por edhe që shoqëruesit e tyre të paguhen me vlerën e pagës minimale.
Të diskriminuar thonë se ndihen edhe nga trajtimi që u bëhet në zyrat e punës. Pagesa prej 140 mijë lekë të vjetra nuk u mjafton, dhe shpesh kanë kërkuar të punësohen.
Në gjithë Shqipërinë janë më shumë se 13 mijë persona me probleme në shikim, të cilët kërkojnë të trajtohen me dinjitet përmes integrimit në tregun e punës dhe në shoqëri.
/f.s
