Shoqata “Çamëria” ka organizuar pasditen e sotme një protestë përpara Ministrisë së Jashtme. I pranishëm ka qenë në këtë protestë edhe kreu i PDIU-së, Shpëtim Idrizi, i cili ëhstë shprehur se njerëzit nuk dinë asgjë për sa i përket bisedimeve mes ministrave të jashtëm të Shqipërisë dhe Greqisë.
“Na u tha që kaluam mirë po ecim përpara dhe do flasim prap. Pro erdhe këtë herë po informohemi nga homologu i tij, Kotzias. Mësuam deri më sot se ka avancuar vetëm axhenda greke. Është për të ardhur keq”, u shpreh Idrizi.
Idrizi gjithashtu ka folur edhe për sa i përket varrezave të ushtarëve grek.
“Në asnjë vend ushtarët e rënë në një vend tjetër nuk rrinë në atë vend. Referohuni rastit të ushtarëve gjerman në Greqi. Aq më tepër që ushtarët grek erdhën si pushtues në Shqipëri. Jemi këtu për t’i kujtuar çdo kujt që shqiptarët e Çamërisë janë gjallë dhe jetojnë. Mirë për zotin Kotzias nuk ekzistojnë të çamët e vrarë në Çamëri, por nuk mund ta pranojmë që të mos ekzistojmë edhe për ministrin tonë të Jashtëm”, tha Idrizi duke shtuar se edhe të vdekurit nuk janë duke u trajtuar njësoj.
Gjithashtu Idrizi ka folur edhe për ligjin e luftës mes Greqisë dhe Shqipërisë, për të cilin ka thënë duhet patur kujdes për pasojat e tij dhe se me heqjen e ligjit duhen të hiqen edhe efektet e tij.
“Ka një rezolutë për shqiptarët e Çamërisë që qeveria të kërkojnë të drejtat e çamëve. Të kërkojnë tokat tona atje. Thonë që do të heqin ligjin e luftës. Pala shqiptare duhet të jetë e kujdesshme që të heqi të gjitha efektet e ligji të luftës. Të kërkojë pronat e kishës ortodokse shqiptare , bedakshinjve dhe atë të tokave të çamëve”, tha ai
Kreu i PDIU- së u shpreh se Shqipëria nuk mund të lëshojë nga sovraniteti i saj sa herë që kërcënohet me një veto nga Greqia për integrimin në Bashkimin Europian. Këtë gjë Idrizi e ka cilësuar si diçka të rëndë për të gjithë shqiptarët.
Ajo që është më e rëndë për të gjithë shqiptaët është sepse na thonë që Greqi do të vendosë veton për integrimin në Bashkimin Europian. Por shqiptarët nuk mendojnë, nuk besojë se të heq Greqia veton, Shqipëra duhet të lëshojë sovranitetin e saj sa herë që kemi nevojë dhe nga kërcënon Greqia me veton e saj.
