Gjoni ka kërkuar që të ballafaqohet në “Shihemi në Gjyq” nga “E Diela Shqiptare” në Tv Klan me bashkëjetuesen e tij, Julianën. Ai thotë se me të është njohur përmes lidhjeve shoqërore në Suedi. Sipas Gjonit, ajo e ka futur në një sherr me një njeri që ai nuk e njeh, por e torturonte bashkëjetuesen e tij.
Juliana ndërhyn dhe thotë se bëhet fjalë për bashkëshortin, Kristo Qirollari, me të cilin është ndarë. Ajo thotë se ka qenë e dhunuar nga ish-vjehrri që “donte ta kapte.”
Juliana: Ika nga ish-burri, Kristo Qirollari se isha e dhunuar nga vjehrri, donte të më kapte! Ish-vjehrri!
Gjon: Ç’vjehërr paske pasur!
Juliana: Çfarë vjehrri kam pasur, po çfarë të bëj unë! Te babai s’kisha ndihmë, motër s’kam!
Eni Çobani: Është shumë e rëndë kjo! Kristo Qirollari është bashkëshorti juaj aktual sepse nuk jeni ndarë ende. E ke burrë akoma! Je larguar nga bashkëshorti i parë dhe ke lënë dy fëmijë në Përmet.
Juliana: Nuk i kam lënë unë! Më ka braktisur Kristo Qirollari 12 vjet! 12 vjet çfarë i thonë? Të rrish 12 vjet vetëm! Ik mbaj pleqtë e mi thoshte. Çfarë të bëja unë?
Eni Çobani: Pastaj, çfarë ndodhi? Çfarë bëri vjehrri?
Juliana: Vjehrri donte të më shfrytëzonte, thoshte më ke mua, lëre atë. Ai të rrijë atje në Greqi të punojë se më ke mua këtu! Çfarë është kjo, jemi femra mbi të gjitha! Jam mama, jam grua, jam nënë!
Eni Çobani: Është shumë e rëndë kjo, po të dëgjon babai i Kristos.
Juliana: Ta dëgjojë moj! Nuk më intereson fare!
Eni Çobani: Ti ke pasur ngacmime seksuale nga vjehrri?
Juliana: Kam pasur konflikte, kam pasur ngacmime që më ke mua. Ai të rrijë në Greqi, të punojë, ti rri këtu!
Ardit Gjebrea: Më ke mua është mbështetje.
Juliana: Jo mbështetje, jo, jo, jo!
Eni Çobani: Jo se mund të dalë nesër babai i Kristos e të thotë që e kam dashur si vajzë.
Juliana: Si vajzë? Çfarë vajze o Eni çfarë vajze?
Eni Çobani: Po çfarë të ka bërë pra?
Juliana: Donte të më shfrytëzonte, por nuk mundi me mua, nuk mundi! Nuk mundi të më kapte dot! Unë ika!
E pyetur pse nuk i tregoi bashkëshortit për këtë situatë, Juliana thotë: “Si t’ia thosha? Mua m’u errën sytë!”
