Drejton mjetin në gjendje të dehur ndërsa pasagjeri kundërshton me forcë punonjësit e policisë që të mos kryejnë veprimet.
Arrestohen në flagrancë të 2 shtetasit.
Me datë 29.11.2016, nga Seksioni për hetimin e ngjarjeve të qarkullimit rrugor, u bë arrestimi në flagrancë i shtetasve:
*Renato Gjonpalaj, 26 vjeç, banues në Lezhë
*Besnik Lami, 33 vjeç, banues në Lezhë.
Në aksin rrugor Lezhë-Shkoder, janë ndaluar nga efektivët e policisë rrugore për kontroll dhe ka rezultuar pas testit të alkoolit që shtetasi Renato Gjonpalaj po e drejtonte mjetin në gjendje të dehur ndërsa pasagjeri në mjet shtetasi Besnik Lami i ka kundershtuar punonjësit e policisë për të mos i lejuar të kryejnë veprimet e tyre.
Materialet procedurale u referuan Prokurorisë së Rrethit Gjyqësor Lezhë për veprat penale ” Drejtim mjeti në gjendje të dehur ” parashikuar nga neni 291 i Kodit Penal në ngarkim të shtetasit Renato Gjonpalaj dhe “Kundërshtim i punonjësit të policisë së rendit publik” parashikuar nga neni 236/2 i Kodit Penal në ngarkim të shtetasit Besnik Lami./a.m.
