Një shofer i cili drejtonte makinën në gjendje të dehur ka aksidentuar një tjetër automjet të drejtuar nga një 42-vjeçare dhe është larguar nga vendi i ngjarjes.
Agron B. 39 vjeç, banues në fshatin Sallmone, Durrës gjatë pasdites së djeshme rreth orës 19:30, në autostradën Tiranë-Durrës ka goditur nga mbrapa makinën tip Lexus Fuoristradë me drejtuese n I.A. 42 vjeçe, banuese në Durrës dhe më pas është larguar nga vendi i aksidentit.
Atij i është bërë shenjë nga policia për të ndaluar, por nuk i është bindur uniformave blu.
Pas një ndjekje nga ana e Efektiveve të Policisë është bërë e mundur kapja e tij në Vorë.
Gjatë kryerjes së testit të alkoolit rezultoi në gjendje të dehur në masën 0.89 mg/l.
a.ç
