Kryebashkiaku i Tiranës, Erion Veliaj, ka firmosur dje marrëveshjen për pagesën e borxheve që Bashkia i ka KF Tiranës.
Bëhet fjalë për shlyerjen e detyrimeve në periudhën 2011-2013 ndërkohë që sëbashku me presidentin e klubit u ra dakord pagesa e borxheve përmes kësteve.
Por shuma e këtyre detyrimeve kap një shifër marramendëse. Mësohet se janë mbi 2.1 miliardë lekë të vjetra që Bashkisë i janë akumuluar si borxh ndaj klubit.
Gjatë takimit të djeshëm me Presidentin Halili, Veliaj u zotua për shlyerjen e shpejtë të këtij borxhi të prapambetur ndaj KF Tiranës, i cili do t’i vinte shumë në ndihmë ekipit, si një mundësi për blerjen e lojtarëve të rinj për sezonin e ardhshëm të Superligës. /b.d
