Dy të rinj u vunë në pranga nga Policia e Durrësit pasi kanë tentuar t’i ofrojnë ryshfet efektivëve në portin e qytetit bregdetar me qëllim që të kalonin kufirin pasi ishin deportiv në zonën Shengen.
Vangjel Bardhi 21 vjeç, banues në Tiranë dhe Tofik Shehu 25 vjeç, banues në Peshkopi u vunë në pranga në kushtet e flagrancës mbrëmjen e djeshme dhe akuzohen për veprën penale “Korrupsioni aktiv i personave që ushtrojnë funksione publike”.
Bardhi, më 25 janar rreth orës 20:30, në Terminalin e Pasagjerëve në Portin Detar Durrës, ka tentuar të korruptojë punonjësin e policisë duke i futur në brendësi të pasaportës 50 euro.
Shehu, rreth orës 21:00, në Terminalin e Pasagjerëve në Portin Detar Durrës ka tentuar të korruptojë punonjësin e Policisë Kufitare duke i futur në brendësi të pasaportës 20 €, me qëllim për të kaluar kufirin pasi ishte deportiv në zonën Schengen.
…
Ndërkohë, edhe nga Policia e Fierit u arrestua 42-vjeçari Pëllumb Kolgjini me banim në Paskuqan të Tiranës. Ai akuzohet se i ka ofruar ryshfet punonjësit të policisë rrugore pasi udhëtonte me automjetin e tij tej normave të lejuara të shpejtësisë, shkruan express.
42-vjeçari duke udhëtuar në aksin rrugor Lushnje-Çermë, është ndaluar nga shërbimet e Policisë Rrugor Lushnje pasi drejtonte me shpejtësi makinën Benz me targa AA 300 IO, .
Pëllumb Kolgjini ka tentuar të korruptoi punonjësin e policisë duke i ofruar 500 lekë të reja për ta falur për shkeljen e bërë.
