Mbrëmjen e së dielës, një 20 vjeçar shqiptar në Shkup ka humbur jetën pas një goditje me thikë që ka marrë në zemër nga një bashkëmoshatar me të cilin ka patur një zënkë.
Ngjarja ka ndodhur në Çair të Shkupit, ku dy të rinjtë, kanë nisur një sherr i cili ka degraduar në përdorimin e armëve të ftohta.
Thika me të cilën është goditur 20 vjeçari shqiptar i ka prekur këtij të fundit zemrën dhe pavarësisht dërgimit në spital ai nuk ka mundur të shpëtojë.
Ndërkohë autoritetet po punojnë për të zbardhur ngjarjen e rëndë.
