Një djalë i ri shqiptar rezulton i zhdukur që nga 1 qershor 2015 në qytetin Bastogne të Belgjikës.
Apeli për gjetjen e tij është bërë nga nën e tij ndërkohë që media belge “LaMeuse”, raporton se që prej të hënës, familja është vënë në kërkim të 25-vjeçarit.
Hera e fundit që Elis Kërniqi kontaktoi me të ëmën e tij, ishte kur ai i kërkoi asaj makinën për të shkuar në trajnim, pasi do të kthehej vonë në darkë.
Pas asaj dite, askush nuk di gjë për të. Zhdukja e tij është marrë seriozisht nga prokurorët, pasi është gjendur lap-topi i Elisit në qytetin e Liezhit.
Policia arriti të lokalizojë lap-topin e të riut shqiptar gjatë javës në qytetin e Liezhit, por Kërniqi nuk është gjendur ende.
“Elisi shkoi në një trajnim. Ai më kërkoi makinën meqënëse trajnimi mbaronte në darkë. Pasi kaloi ora 23:00 fillova të shqetësohesha. Gjatë natës e merrja në telefon dhe i dërgoja vazhdimisht mesazhe. Të martën një i njohuri im më tha se e kishte parë makinën time rreth orës 5:40 në një nga rrugët e qytetit”, shpjegon e nëna e tij Elida Kërniqi në Facebook.
