Numri i të vdekurve në Kumanovë ka arritur në 7, dhe ato janë të gjithë efektivë policie. Lajmi bëhet i ditur nga mediat maqedonase sipas të cilave në mesin e 5 policëve të vrarë ditën e djeshme, është edhe 1 polic shqiptar.
Bëhet fjalë për shqiptarin nga Shkupi Isamedin Osmani. Sipas mediave maqedonase Osmani është qëlluar me plumb në Kumanovë gjatë aksionit policor. Ai ishte i martuar, baba i dy fëmijëve të vegjël.
Fillimisht mediat maqedonase raportuan per dy police shqiptare te vrare, mes te cileve edhe Besnik Bela, pjesëtar i njësisë speciale. Por ka qene ky i fundit i cili permes nje fotografie te postuar ka bere te ditur se ndodhet i plagosur ne spital por se fatmiresisht nuk ka nderruar jete.
Ndërkohë, pritet që MPB të jap hollësi dhe të zbardh identitetin e dy policëve të vrarë gjatë sulmit të sotëm. Numri i punonjësve të policisë që kanë humbur jetën në krye të detyrës është 7 deri më tani.
Redaksia Online
(JavaNews.al)
