Protestat kanë sjellë edhe të dëmtuar si nga forcat e rendit, ashtu edhe nga protestuesit. Trembëdhjetë efektivë të Policisë së Shtetit kanë mbetur të plagosur, e po ashtu edhe 4 protestues. Ata janë në ambjentet e spitalit ku po marrin trajtim mjekësor.
“13 policë janë lënduar nga dhuna ekstreme e organizuar dhe drejtuar në mënyrë politike. Përsëris thirrjen ndaj qytetarëve që të distancohen nga grupi që sulmon Policinë dhe institucionet!”, njoftoi ministri i Brendshëm Sandër Lleshaj në Twitter.
Policët dhe protestuesi mbetën të lënduar gjatë momenteve kur militantët hodhën bomba molotov njëra pas tjetrës tek godina e kryeministrisë dhe e kryesisë së Kuvendit.
Bombat shpërthyen në flakë të fuqishme, ku u rrezikuan edhe vetë protestuesit që çanë kordonin e policisë dhe u ngjitën deri tek hyrja e godinës së kryeministrisë./ i.h
