Ka ndërruar jetë paraditen e sotme një person i infektuar me koronavirus në Kosovë.
Klinika Infektive bën me dije se viktima ishte nga Komuna e Ferizaj dhe se ishte shtruar në spital prej 5 ditësh, ndërsa ka pasur edhe sëmundje të tjera shoqëruese.
“Pacienti ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese”, thuhet në njoftim.
Vdekja e këtij personi e çon në 12 numrin e viktimave në Kosovë. Numri i të infektuarve në gjithë vendin shkon në 449.
g.kosovari
