Çdo vatër zjarri në pyjet e Shkodrës tani mund të zbulohet në kohë reale. Bashkia është pajisur me një sistem inteligjent monitorimi me dron, që identifikon menjëherë çdo ndryshim në terren, nga flakët deri te dëmtimet nga sëmundjet.
Lajmin e bëri të ditur kryeministri Edi Rama në rrjete sociale, duke theksuar se teknologjia e re rrit sigurinë dhe reagimin ndaj emergjencave.
“Shkodra po pajiset me sistemin inteligjent të zbulimit të zjarreve dhe monitorimit me dron Tashmë çdo ndryshim në pyje, nga vatrat e zjarrit te dëmtimet nga sëmundjet, identifikohet në kohë reale përmes imazheve ajrore dhe të dhënave termike” shkroi Rama në Facebook.
Sistemi, sipas Ramës, funksionon nëpërmjet imazheve ajrore dhe të dhënave termike, duke dhënë sinjale të menjëhershme për çdo rrezik. Kjo e bën Shkodrën bashkinë e parë në vend që përdor një teknologji të tillë për mbrojtjen e pyjeve.
Projekti është financuar nga Bashkimi Evropian, në kuadër të Programit IPA Montenegro–Albania. Me këtë sistem synohet reagim më i shpejtë në raste zjarri, mbrojtje e jetës së qytetarëve, e pasurive dhe e mjedisit.
Tani nga 2 satelitet,qe kushtuan miliona euro,u be shume propogande,per te mirat,qe do kishim prej tyre,ata u zdhduken fare.Se funemi,po na zgjidhe problemin per zjarreat me dronet,K/hajduti eshte,i pa parashikueshem,ka nji fjale e 100 rrena e mashtrime.