Në një oborr tipik shkodran dhe mes një spektatori që ndërthurte brezat, u shfaq në Shkodër performanca artistike “Pjetër Gjini takon të rinjtë”. Një mbrëmje kushtuar poetit, publicistit, prozatorit, muzikantit dhe përkthyesit Pjetër Gjini.
Disa prej këngëve dhe vargjeve të njohura të këtij artisti shumëdimensional u sollën nga formacioni vokal orkestral “Arkestra” dhe aktorët Sara Smaja dhe Marsel Paplekaj.
Një homazh për një emër që i dha aq shumë Shkodrës së tij, e që nuk u nënshtrua për asnjë çast përballë diktaturës.
LEOPOLD SHKRELI
MIK I PJETER GJINIT : Pjetër Gjini ishte nga ata burra që u shërbente të gjithëve, e ndante bukën me të gjithë!
Nisma në fjalë synon të jetë një pune e vijueshme, me emra që i kanë dhënë Shkodrës aq shumë, e që sot janë frymëzim për brezat e rinj.
STEFAN ÇAPALIKU
REGJISOR: Pjetër Gjini ishte një person që mbajti gjallë kulturën, pavarësisht komunizmit.
LORENC RADOVANI
UDHËHEQËS ARTISTIK: U morëm me këtë figurë, sepse figura të tilla duhen kujtuar herë pas here për atë që kanë dhënë.
ALBERT NARAÇI
MUZIKANT : Përktheu, këndoi, shkroi, tepër i madh, i jashtëzakonshëm!
I varfër por fisnik! Kështu ishte Gjini i cili vërtetë sipas miqve të tij, nuk iu dorëzua për asnjë çast regjimit komunist që e dënoi në 1946-n me 12 vite burg për agjitacion dhe propagandë./f.s
