Gjykata e Shkodrës ka dhënë sot masën “arrest me burg” për Martin Zefin, abonentin debitor që vrau punonjësin e OSHEE-së pasi refuzoi t’i lidhte energjinë elektrike. Në seancën e parë Zefi është përlotur, ndërsa sot ka kërkuar mëshirën e trupit gjykues me pretendimin se: “Isha i dehur. Kur e vrava Z.Velaj isha në kushte depresioni”.
Po pavarësisht këkresës së tij Gjykata e Shkodrës ka dhënë masën “arrest me burg” për Martin Zefin, i cili vrau më 10 gusht elektricistin Zamir Velaj. 44 vjecari Velaj, punonjës i OSHEE-së në Shkodër, u vra teksa vinte një sahat në Oblikë në Anë të Malit. Viktima refuzoi që t’i lidhte energjinë elektrike Martin Zefit, të cilit ia kishte prerë prej 28 qershorit për shkak të debisë prej 2.3 milionë lekë të vjetra.
54 vjeçari Martin Zefi, pasi ishte konfliktuar verbalisht me elektricistin, është rikthyer në banesë, ka marrë thikën dhe ka goditur 3 në gjoks dhe në qafë Velajn, i cili ka ndërruar jetë rrugës për në spitalin rajonal të Shkodrës.
ma.me
