Policia e Shkodrës ka finalizuar me sukses operacionin e koduar “Drishti” ku si rezultat janë sekuestruar 30 kg e 451 gr mariuanë dhe një arsenal armësh, ndërsa janë arrestuar në flagrancë tre persona.
Pas një hetimi 2 mujor, në prangat e policisë kanë rënë Vladimir Papaj,29 vjeç, Hilmi Uruqi, 31 vjeç, Sabri Ara, 55 vjeç, që të tre banues në Shkodër.
Sipas policisë të arrestuarve u janë gjetur dhe sekuestruar në cilësinë e provës materiale
-30 kilogram e 451 gram Mariuane.
-Automjeti tip « Jeep », me targa SH2707D me ngjyre blu, pa dokumenta.
-3 telefona celuar të markës « Samsung »
– 3 kartmonedha 1000 (njëmijë) lekëshe të shënuara me parë.
– 4 armë zjarri automatike të tipit model 56.
-2 krëhëra të këtyre armëve me 111 fishekë.
– 1 pistoletë me një karikatore në folenë e saj, që mban në të disa sfera të vogla metalike.
– 1 thikë me teh metalik, me hapje dhe me doresë material druri.
– 1 dorezë metalike, me katar unaza, në formë harku.
– 1 shkop metalik me hapje i futur ne folenë e tij.
– 5 bombula me ngjyrë gri metalizato me mbishkrimin ASG.
– 1 jelek antiplumb me ngjyre blu.
– Motor me targa SH259E.
Sakaq po vijon puna për zbardhjen dhe dokumentimin e plotë të këtij aktiviteti kriminal, ku për arsye hetimi nuk bëmë me dije të dhëna të tjera.
Materialet i kaluan Prokurorisë së rrethit gjyqësor Shkodër, për veprat penale, “Prodhim dhe shitje e narkotikëve në bashkëpunom”, “Kultivim i bimëve narkotike”, “Trafikimi i armëve dhe i municionit në bashkëpunim”, “Prodhimi, mbajtja, blerja apo shitja pa leje e armëve të ftohta”.
