Pas publikimit të pamjeve tronditëse nga njeri prej emisioneve investigativ në Qendrën Rezidenciale të zhvillimit në Shkodër ka ardhur edhe reagimi i drejtuesve të kësaj qendre. Ka qenë Juli Cepi me detyrë, Drejtore e Qendrës e cila i quajti të manipuluara pamjet dhe deklaroi se situata është ndryshe në këtë qendër nga ajo çfarë është transmetuar në ekran.
Edhe Bashkia Shkodër ka reaguar nëpërmjet një deklarate për mediat ku bën me dije se video është e manipuluar. Konkretisht në deklaratën e bashkisë thuhet se ”pamjet e shfaqura mbrëmë janë pamje të rënda, të manipuluara dhe nuk pasqyrojnë realitetin në këtë qendër. 1. Ambiente të tilla nuk ekzistojnë në qendrën e zhvillimit (tuba, hekura, ganxha, etj.) 2. Imazhe të tilla janë të nxitura, të prodhuara dhe të shpërndara nga ish përgjegjësi i sektorit social pranë qendrës së zhvillimit i larguar prej dy vitesh nga puna për thyerje të rëndë të disiplinës në punë. Bashkia Shkodër fton mediat që të vizitojnë këtë qendër dhe të njihen me punën e personelit të qendrës.
ma.me
