Policia e Shkodrës ka vënë në pranga dy persona të cilët më 8 nëntor vodhën kasafortën e xhamisë “Ebu Beker” të ndodhur në këtë qytet.
Ata janë 25-vjeçari Sokol Marku dhe 16-vjeçari me inicialet E.K.
Një video e shfaqur nga kamerat e sigurisë tregonte autorët teksa hynin duke thyer dyert e xhamisë, e cila ndodhet në lagjen “Vasil Shanto”.
Ata mundën të grabisnin kasafortën dhe sende të tjera me vlerë që kishte në xhami. Por autorët kanë hyrë në xhami të pamaskuar duke menduar se nuk ka pasur kamera sigurie. Kjo e ka bërë edhe më të lehtë punën e bluve të Shkodrës për të identifikuar dhe më tej arrestuar dy personat që vodhën xhaminë. Express/a.k
