Gjatë një takimi me banorët e lagjes ‘Kiras’ në Shkodër, që njihet si bastion i Partisë Demokratike, kryesuesi i listës së kandidatëve për deputetë të Partisë Socialiste në këtë qark, Ditmir Bushati u shpreh se nuk janë të gjithë politikanët njësoj.
Ai tha se ka edhe politikanë që e kërkojnë me ngulm dhe në forma nga më të ndryshmet mandatin e deputetit, pasi kanë frikë nga drejtësia. Bushati parlajmëroi se këta deputetë janë në monitorim të rreptë dhe nuk duhet të përdorin taktita të ndaluara.
“Jo të gjithë politikanët janë njësoj, politikanët që e kanë kthyer politikën në biznes, politikanët që e kanë keqpërfaqësuar Shkodrën, politikanë që e kërkojnë me ngulm dhe në forma nga më të ndryshme mandatin e deputetit, sepse kanë frikë nga drejtësia. Të gjithë këtyre unë kam dëshirë t’i bëjë një apel të drejtpërdrejt sot. Mos guxoni të përdorni më të njëjtat taktika në Shkodër, jeni nën monitorim të rreptë”- tha Bushati.
ma.me
