Përmes një ceremonie fetare, u përkujtua në Shkodër lumturimi i 38 martirëve shqiptarë nga Vatikani. Arqipeshkvi i Dioqezës Shkodër-Pult, Monsinjor Angelo Massafra, i cili udhëhoqi këtë meshë, veç të tjerash vuri theksin tek pushteti, për të cilin tha se ndërgjegjjet e dobëta e kanë zëvendësuar me fenë.
Kjo meshë u kremtua nga arqipeshkvi i dioqezës Shkodër-Pult Angelo Massafra. Gjatë predikimit monsinjor Massafra deklaroi se edhe në Shqipëri ka një paganizëm të ri të padukshëm dhe ata janë idhujt e pushtetit dhe të pasurisë që po zënë vendin e Krishtit tek ndërgjegjet e dobëta. Sot ekziston një paganizëm i ri që është duke u parë edhe në Shqipëri. Idhujt e pushtetit dhe të pasurisë zënë vendin e tyre tek ndërgjegjiet më të dobëta.
38 martirët u lumturuan nga Vatikani dy vite më parë pas një procesi që zgjati për disa vite me. Emrat që u lumturuan janë pjesë e klerit katolik të cilët u persekutuan, provuan torturat çnjerëzore dhe u pushkatuan nga regjimi monist. Pas kësaj ngjarje me 11 nëntor do të përkujtohet mesha e parë e kremtuar në Shkodër tek varrezat katolike të Rrmajit në vitin 1990 nga dom Simon Jubani.
