Një 65-vjeçar u vu në pranga nga Policia pasi ka tentuar t’i japë ryshfet efektivit rrugor me qëllimin që mos të merrte masë administrative për shkeljen e bërë.
Agim G. i ka dhënë 4 qind leke të rinj punonjësit të qarkullimit rrugor që mos të merrte masë pasi po udhëtonte pa rripin e sigurimit.
Ai u ndalua në vendin e quajtur “Xhabije” në qytetin e Shkodrës, dhe pasi ka ofruar lekët u arrestua në flagrancë për veprën penale “Korrupsion aktiv ndaj personave që ushtrojnë funksione publike”
Ndërkohë edhe në Sarandë, një 420vjeçar nga fshati Çukë u arrestua për të njëjtën akuzë, shkruan exress.
Aleksandër V. u ndalua tek “Ura e Kranesë” Sarandë. Ai drejtonte një “Citroen” me targë greke KOB 8534, dhe ka tentuar t’i japë lekë punonjësit të policisë rrugore, me qëllim që t’i shmangej masës administrative. Ai bënte manovra në rrugë pranë rreth-rrotullimit të Kranesë, duke u bërë kështu burim aksidenti për mjetet e tjera.
