Shumëkush është lutur që të jetojë përjetë, dhe ka qenë në kërkim të jetës së përjetshme, por shkenca sot po pretendon se një gjë e tillë mund të jetë e mundur. Shkencëtari rus Anatoli Brouchkov thotë se ka gjetur sekretin e jetës së përjetshme. Ai ka injektuar në trupin e tij një bakter. Ai quhet Bacillus F është të paktën 3.5 milionë vjet i vjetër dhe është gjetur në republikën Sakha në Siberi. Ai është testuar tashmë edhe në bimë, kafshmë dhe së fundi në qeliza njerëzore.
Shkencëtari Brouchkov, i cili drejton departamentin e Geocryology-s në Universitetin Shtetëror të Moskës pretendon se tani pas injektimit të këtij bakteri, ndihet më i fortë dhe më i shëndetshëm.
Brouchkov i thotë Siberain Times se e nisi një eksperiment disa kohë më parë dhe që prej dy vitesh nuk ka pasur asnjë gjendje virale. Shkencëtari pohon se ende nevojiten eksperimente dhe duhet të punojë më tepër në drejtimin sesi ky bakter mund të shmang plakjen. Sipas tij duhet punuar në drejtimin se cili është mekanizmi që na mban gjallë. Dhe sesi ne mund ta përdorim atë për përfitimet tona.
