Marash Kumbulla tregoi dhe një herë që vëmendja për të e klubeve me emër në Itali dhe jashtë saj është i justifikuar. Mbrojtësi shqiptar zhvilloi një ndeshje të jashtëzakonshme mbrëmjen e së shtunës që solli dhe fitoren 2 – 1 të Veronës me përmbysje përballë Juventusit.
Shqiptari u bë protagonist në pjesën e parë kur shënoi një gol me kokë, por që VAR e anuloi për pak centimetra në pozicion jashtë loje.
Por shqiptari që pikërisht të Shtunën kishte ditëlindjen e tij të 20-të do të dilte sërish në skenë me një 11-metërshin e fituar. Goditja e tij me kokë preku dorën e mbrojtësit Bonucci.
Pazzini nuk gaboi duke realizuar golin e fitores.
Marash Kumbulla u vlerësua me notën 8 nga specialistët, pasi ndikoi me lojën e tij në këtë sukses. Ishin vendimtare disa ndërhyrje të njëpasnjëshme kundër Huguain apo Dibala në zonë që shmangën rrezikun. Për shqiptarin interesohen klubet më të mëdhenj në Itali si Inter, Napoli dhe Fiorentina, por edhe klube të rëndësishëm europianë si Mancester City, Mancester United dhe Borussia Dortmund. Sipas medieve italiane vlera e tij në treg ka kaluar tashmë 20 milionë euro.
