Francesco Becchetti është dënuar për sjellje të dhunshme për incidentin që e shkaktoi pas fitores së Leyton Orientit ndaj Portsmouthit me rezultat 3 me 2.
Sky Sports raporton se pronari i televizionit shqiptar “Agon Channel” dhe i ekipit anglez Leyton Orient është fiksuar nga kamerat kur humbi durimin dhe goditi me shkelma Andy Hessenthaler, zëvendës-menaxherin e klubit. Italiani ka kohë që deri më 4 janar 2016 të përgjigjet dhe të përgatisë mbrojtjen ndaj akuzave.
Asistenti që u godit nuk ka pranuar se ngjarja ishte “dhunë e pastër” teksa ka thënë: “Kjo është Boxing Day. Kjo nuk është asgjë. Çdo gjë është në rregull. Kjo ishte diçka mes nesh…”.
Bechetti është në pritje të shqyrtimit të kërkesës së autoriteteve shqiptare për ekstradim, pasi akuzohet për pastrim parash dhe krijim skemash mashtruese me me vlerë 42 milion euro.
https://www.youtube.com/watch?v=36__kq8Mnf4
