Juristi Ylli Manjani ka komentuar shkarkimin e Erion Veliajt duke e cilësuar atë si moment kritik të jetës së tij politike.
Sipas Manjanit, nëse Veliaj apelon vendimin në Gjykatë Kushtetuese, atëherë i jep kohë dhe një “shans” të artë Partisë Demokratike që të zgjedhë kandidatin e duhur.
“Veliaj ka vendimin më të rëndësishëm poliktik të jetë së vet, nëse do zgjedhë të ankohet duke ndihmuar kundërshtarin, pavarësisht se çfarë thotë PD-ja. PD nuk është gati për zgjedhje. PD-së i duhet kohë për të zgjedhur kandidatin e duhur. Këta nuk kanë një kandidat zyrtar. Partia e dytë e madhe nuk ka alternativë, i duhet kohë. Këtë kohë mund ti japë me negociatë ose padashje Erion Veliajt’, tha Manjani për Euroneës Albania.
Nga ana tjetër, sipas Manjanit një skenar tjetër do të ishte që ai të mos bëhet pengesë për Partinë Socialiste dhe të mbështesë kandidaturën e Ogerta Manastirliut.
“Ose alternativa tjetër, që Veliaj të pohojë se nuk bëhet pengesë në partinë e PS-së dhe mund të mbështesë Ogerta Manastirliun. Veliaj është në izolimin e vet më të thellë. E ka të vështirë të marrë një vendim. Duhet të jetë super i mençur të triumfojë. Është në një situatë, në ato kushte me të sotme dhe të ardhmen, do duhet të zgjedhë mes interesit të vet të ngushtë, pra gjyqi apo zbërthimi i akuzave, apo të zgjedhë ta injorojë veten dhe të jetë korrekt ku ka shërbyer”, tha Ylli Manjani.
