Presidenti i sapozgjedhur Donald Trump ka reaguar lidhur me ngjarjen e rëndë në Nju Orleans.
Një person hyri me kamionçinë mes një turme duke lënë pas 10 viktima dhe mbi 30 të plagosur.
“Zemrat tona janë me të gjitha viktimat e pafajshme dhe të dashurit e tyre, duke përfshirë oficerët e guximshëm të Departamentit të Policisë së Nju Orleans, Administrata Trump do të mbështesë plotësisht qytetin e Nju Orleans-it ndërsa ata hetojnë dhe shërohen nga ky akt i së keqes”, tha Trump në një postim në Truth Social.
Trump foli edhe për shkallën e krimit në SHBA, i cili tha se kriminelët që vijnë janë shumë më të këqij se kriminelët që kemi në vendin tonë. Ai shtoi se krimi në vend është në nivele të larta.
“Kur thashë se kriminelët që vijnë janë shumë më të këqij se kriminelët që kemi në vendin tonë, ajo deklaratë u përgënjeshtrua vazhdimisht nga demokratët dhe mediat e lajmeve të rreme, por doli të ishte e vërtetë. Shkalla e krimit në vendin tonë është në një nivel që askush nuk e ka parë më parë”, u shpreh presidenti.
