Policia e Shkodrës ka vënë në pranga drejtuesin e ambulancës së spitalit të Koplikut, Perlat Semaj, pasi akuzohet si shkaktar i aksidentit të ndodhur paraditen e së enjtes në aksin Shkodër-Koplik.
Në këtë aksident ndërroi jetë që u regjistruar në afërsi të fshatit Çezme mbeti viktimë 55-vjeçari, Abaz Kuka.
Viktima ishte drejtues i automjetit që u përplas nga autoambulanca e drejtuar prej Semajt gjatë një parakalimi të gabuar.
“Në vijim të informacionit të dhënë ditën e djeshme, për një aksident në aksin rrugor “Shkodër- Hani i Hotit”, ju informojmë se specialistët e Sektorit të Policisë Rrugore arrestuan shtetasin P. S., 65 vjeç, për veprën penale “Shkelja e rregullave të qarkullimit rrugor”. 65 vjeçari duke drejtuar autoambulancën e Spitalit të Koplikut, si rezultat i një parakalimi të gabuar ka përplasur automjetin me drejtues shtetasin A. K., 57 vjeç, i cili si pasojë ka humbur jetën”, njofton policia.
Autoritetet po ashtu sqarojnë se si pasojë e aksidentit janë lënduar edhe dy pasagjeret, shtetaset S. K.,43 vjeçe, dhe D. K., 18 vjeçe, (bashkëshortja dhe vajza e viktimës), të cilat ndodhen në Spitalin Rajonal Shkodër, jashtë rrezikut për jetën.
