Kreu i Partisë Demokratike, Sali Berisha, i ftuar në News24 i është rikthyer një deklarate të para pak ditëve nga zv/kryeministrja Belinda Balluku.
Kjo e fundit u shpreh publikisht se gjatë qeverisjes së tij, Berisha shiti hotel Dajtin në mënyrë që t’u jepte bonusin pensionistëve në atë kohë.
Berisha u shpreh se ky ishte një nga veprimet më të mira që ka bërë, duke iu referuar si një model i rishpërndarjes së të ardhurave në favor të qytetarëve.
“Modeli është rishpërndarja e të ardhurave në favor të shqiptarëve. Zv/kryeministrja më tha se shita Hotel Dajtin dhe u dhashë pensionistëve bonusin. Është gjëja më e mirë që kam bërë moj zonjë. Unë them, nëse merr studimin e grupit të Bostonit gjen Shqipërinë në 4 vendet me shpërndarjen më të mirë të të ardhurave në vitin 2012”, u shpreh ai.
/a.r
