Policia e Tiranës ka vënë në pranga në 23-vjeçar, i cili shiste kokainë dhe kanabis në doza të vogla zonën e quajtur “Ish-parku i autobusave”.
“Mbi bazën e informacioneve të siguruara në rrugë operative se një shtetas shiste lëndë narkotike në zonën e quajtur “Ish-parku i autobusave”, Seksioni për Hetimin e Narkotikëve finalizoi operacionin policor të koduar “Parku”, në kuadër të të cilit u vu në pranga shtetasi: A. M., 23 vjeç, banues në Tiranë”, njofton Policia.
Ai u kap në rrugën “Frosina Plaku”. Gjatë kontrollit fizik dhe në banesë, shërbimet e policisë i gjetën 265 gramë lëndë të dyshuar narkotike kokainë të ndarë në sasi të vogla/doza, gati për shitje, dhe një sasi lënde të dyshuar narkotike kanabis.
Materialet procedurale do t’i kalojnë Prokurorisë, për veprime të mëtejshme.
