Një 20-vjeçar nga Fieri është arrestuar nga Policia. I riu po lëvizte në qytet me doza kokaine me qëllim për t’i shitur.
Gjatë kontrollit në banesën e 20-vjeçarit, blutë e Fierit gjetën dhe sekuestruan doza kanabisi të gatshme për shitje.
“Sektori për Hetimin e Narkotikëve i DVP Fier, bazuar në informacionet e siguruara nga inteligjenca policore se një shtetas lëvizte me lëndë narkotike në qytet, me qëllimin për ta shitur, kanë organizuar punën për kapjen e tij. Si rezultat, u arrestua në flagrancë shtetasi:
-R. H., 20 vjeç, banues në Fier”, thuhet në njoftim.
Lënda narkotike u sekuestrua në cilësinë e provës materiale, bashkë me një aparat celular.
/a.r
