Një grua në Reggio Emilia të Italisë ka bërë atë që pakkush mund ta bëjë. Ajo ka fotografuar të birin 16-vjeçar teksa shiste drogë dhe fotot i ka dorëzuar te karabinierët. Një akt i tillë është bërë nga dëshpërimi për rrugën që po merrte djali që në moshë të njomë.
Pas denoncimit, djali është arrestuar.
Në dhomën e gjumit të 16-vjeçarit, policia ka gjetur disa doza marijuanë me një peshë totale prej më shumë se 20 gramë që u sekuestruan së bashku me një peshore dhe mbi 100 euro të ardhura nga shpërndarja e drogës, dhe disa telefona që përdoreshin për të kontaktuar me klientët.
Gruaja rrëfeu në polici se i biri po kalonte periudhë të vështirë emocionale, duke qenë tepër nervoz. I tillë u shfaq edhe para karabinierëve, ndërkohë që në momentin e hyrjes së tyre në dhomë 16-vjeçari tentoi të hidhej nga ballkoni për t’u arratisur.
